សត្វកន្ធាយក្បាលកង្កែបដែលមានឈ្មោះវិទ្យាសាស្ត្រថា Pelochelys cantori អ្នកនៅស្រុកខ្មែរមួយចំនួនច្រើនហៅថា ល្មិច ឬរមិច។ វាត្រូវបានគេហៅវាថា “កន្ធាយក្បាលកង្កែប“ដោយសារតែវាមានក្បាលធំ និងភ្នែកនៅជិតចុងច្រមុះរបស់វាហើយមើលទៅដូចជាកង្កែប។ សត្វនេះ មានទំហំធំ និងរាងរូវស្រដៀងដូចសត្វអណ្តើកដែរ គ្រាន់តែស្នូកវាទន់។ មានប្រវែងរហូតដល់ជាង 1ម៉ែត្រ និងទម្ងន់ជាង 100 គីឡូក្រាម! វាជាពូជអម្បូរសត្វអណ្តើក ប៉ុន្តែមិនយឺតដូចអណ្តើកនោះទេវាអាចវាយប្រហារចំណីលឿន ជាង ពស់វែក ចឹកទៅទៀត។ វាស៊ីត្រីតូចៗជាអាហារនិងពេលខ្លះវាស៊ីរុក្ខជាតិតូចៗផងដែរ។
កន្ធាយក្បាលកង្កែបគឺជាប្រភេទសត្វមួយក្នុងចំណោមប្រភេទកម្រៗជាច្រើនទៀត នៅតាមដងទន្លេមេគង្គព្រោះកន្ធាយក្បាលកង្កែបរស់នៅក្នុងអន្លង់ជ្រៅៗជាមួយសត្វផ្សោត និងត្រីបបែលយក្ស។ ការលែងកន្ធាយក្បាលកង្កែបដែលជាប្រភេទដ៏សំខាន់ចូលក្នុងជម្រកធម្មជាតិ គឺជាការរួមចំណែកយ៉ាងសំខាន់ដល់ការស្តារប្រភេទនេះឡើងវិញកុំឱ្យផុតពូជនាពេលអនាគត។
.jpg)
កន្ធាយក្បាលកង្កែបឬរមិច មាននៅប្រទេសកម្ពុជាច្រើនជាងគេបំផុត វានៅមានចំនួនតិចតួចប៉ុណ្ណោះក្នុងប្រទេសឡាវ និងប្រទេសមួយចំនួនទៀត និងវាទំនងជាបានផុតពូជហើយនៅតាមអតីតទីជម្រកដែលវាធ្លាប់រស់នៅភាគច្រើនក្នុងប្រទេសវៀតណាមនិងថៃដោយសារមានការលួចចាប់និងធ្វើពាណិជ្ជកម្ម រួមទាំង សកម្មភាពខុសច្បាប់ក្នុងការប្រមូលយកពងរបស់យកទៅលក់ឬធ្វើជាអាហារ។
នៅកម្ពុជា អ្នកវិទ្យាសាស្ត្រមិនបានរកឃើញវត្តមានប្រភេទកន្ធាយក្បាលកង្កែបឬរមិច នេះទេក្នុងចន្លោះពីឆ្នាំ ២០០៣ ដល់ឆ្នាំ ២០០៧។ ក៏ប៉ុន្តែ ក្នុងឆ្នាំ ២០០៧អង្គការអភិរក្សអន្តរជាតិ (CI)បានរកឃើញវត្តមានកន្ធាយនេះនៅក្នុងទន្លេមេគង្គចន្លោះពីខេត្តក្រចេះដល់ស្ទឹងត្រែង។ អង្គការ WCS និងរដ្ឋបាលជលផល បាន និងកំពុងធ្វើការអភិរក្សប្រភេទសត្វនេះតាមរយៈការទប់ស្កាត់ រាល់សកម្មភាពខុសច្បាប់ទាក់ទងនឹងការចាប់និងការធ្វើពាណិជ្ជកម្មប្រភេទកន្ធាយក្បាលកង្កែបនេះ កម្មវិធី ការពារសំបុកនៅតាមសហគមន៍និងគាំទ្រដល់ការ អភិវឌ្ឍសហគមន៍ និងសហគមន៍នេសាទ។
កន្ធាយក្បាលកង្កែបគឺជាប្រភេទមួយក្នុងចំណោមប្រភេទកម្រៗជាច្រើនទៀតនៅតាមដងទន្លេមេគង្គព្រោះ កន្ធាយក្បាលកង្កែបរស់នៅក្នុងអន្លង់ជ្រៅៗជាមួយត្រីដូលហ្វីននិងត្រីបបែលយក្សជាដើម។ ការលែងកន្ធាយ ក្បាលកង្កែបដែលជាប្រភេទដ៏សំខាន់ចូលក្នុងជម្រកធម្មជាតិគឺជាការរួមចំណែកយ៉ាងសំខាន់ដល់ការស្ដារ ប្រភេទនេះឡើងវិញកុំឱ្យផុតពូជនាពេលអនាគត។
.jpg)
.jpg)
.jpg)