អង់គ្លេស កំពុងសម្លឹងមើល Microsoft AI ថតរូបអេក្រង់

បរទេសៈ អង្គការឃ្លាំមើលទិន្នន័យចក្រភពអង់គ្លេសនិយាយថាអង់គ្លេសកំពុងធ្វើការសាកល្បង ជាមួយ Microsoft លើមុខងារថ្មីដែលអាចថតអេក្រង់កុំព្យូទ័រយួរដៃរៀងរាល់ពេលពីរបីវិនាទីម្តង។ ការថតទុកនេះ ហៅថា Recallដែលនឹងរក្សាទុកនូវរូបថត ដែលបានថតចេញពីកុំព្យូទ័ររបស់អ្នកប្រើប្រាស់។

ការិយាល័យស្នងការព័ត៌មាន (ICO)បាននិយាយថា ខ្លួនកំពុងទាក់ទងទៅក្រុមហ៊ុន Microsoftសម្រាប់ព័ត៌មានបន្ថែមអំពីសុវត្ថិភាពនៃ MicrosoftAI ថតរូបអេក្រង់នេះ ព្រោះកម្មវិធីនេះវាអាចប៉ះពាល់ដល់ឯកជនភាព និងសុវត្ថិភាពរបស់អ្នកប្រើប្រាស់។

ទីប្រឹក្សាផ្នែក AIលោកវេជ្ជបណ្ឌិត KrisShrishak បាននិយាយថា នេះអាចចាត់ទុកជាបញ្ហាមួយដ៏អាក្រក់សម្រាប់អ្នកប្រើប្រាស់ ចំពោះឯកជនភាព ព្រោះមានព័ត៌មាន នៅលើអេក្រង់ គឺជាកម្មសិទ្ធិឬព័ត៌មានសម្ងាត់របស់អ្នកប្រើប្រាស់។ លោកចោទសួរថា តើអ្នកប្រើប្រាស់​នឹងសប្បាយចិត្តដែរឬទេចំពោះការថតរូបលើអេក្រង់កុំព្យូទ័ររបស់ពួកគេ ដោយពុំមានការអនុញ្ញាត?  

‍