គោលដៅក្តីស្រមៃរបស់ជនជាតិអាមេរិក ក្នុងការមានកម្មសិទ្ធិផ្ទះមួយហាក់បីដូចជានៅឆ្ងាយពីការ ឈានទៅដល់សម្រាប់មនុស្សជាច្រើន ដោយបញ្ហាកង្វះលទ្ធភាពទិញក៏ដូចជាកង្វះសំណង់លំនៅដ្ឋាន បានបង្កជាឧបសគ្គយ៉ាងសំខាន់។
យោងតាមការកត់សម្គាល់ថ្មីៗនេះពីវិទ្យាស្ថានវិនិយោគលើការស្រាវជ្រាវ NedDavis Research (NDR) ការកើនឡើងគួរឱ្យកត់សម្គាល់ នៃការសាងសង់ផ្ទះថ្មីក្នុងតម្លៃអាចទទួលយកបាន គឺចាំបាច់ដើម្បីធ្វើឱ្យម្ចាស់ផ្ទះអាចទិញធ្វើជាកម្មសិទ្ធិផ្ទាល់ខ្លួន។
លោក Joseph Kalish អ្នកយុទ្ធសាស្ត្រ និងលោក Veneta Dimitrova សេដ្ឋវិទូនៅ NDR បាននិយាយថា៖
«អស់រយៈពេលប៉ុន្មានឆ្នាំនៃការកើនឡើងតម្លៃផ្ទះ កំណើនប្រាក់ចំណូលនៅទ្រឹង និងអត្រាការប្រាក់កម្ចីទិញផ្ទះមានកម្រិតខ្ពស់ បានធ្វើឱ្យប្រជាជនអាមេរិកមួយចំនួនធំ ខ្វះលទ្ធភាពទិញផ្ទះ»។
អត្រាប្រាក់កម្ចីទិញផ្ទះ គឺជាកត្តាចម្បងមួយជាមួយនឹងអត្រាថេររយៈពេល ៣០ ឆ្នាំ មានកម្រិត ៧% សម្រាប់ឆ្នាំ ២០២៣ សូម្បីតែក្នុងរយៈពេលខ្លី វានឹងឡើងដល់ ៨% នៅចុងឆ្នាំ ២០២៤។
វិទ្យាស្ថានវិនិយោគលើការស្រាវជ្រាវ NDR គូសបញ្ជាក់បន្ថែមអំពីកង្វះការផ្គត់ផ្គង់ដ៏សំខាន់ ដោយប៉ាន់ស្មានកង្វះលំនៅឋានចំនួន ២,២លានផ្ទះ សម្រាប់ប្រជាជនអាមេរិក។ កង្វះសំណង់ផ្ទះ រឹតតែធ្វើឱ្យប្រជាជនអាមេរិកពិបាកខ្លាំង បន្ថែមពីលើបញ្ហាប្រឈមដែលមានស្រាប់គឺលទ្ធភាពទិញផ្ទះ។
NDR បាននិយាយថា៖
«យើងបានព្រមានអំពីកង្វះសំណង់លំនៅឋានចាប់តាំងពីឆ្នាំ ២០១៥។ ការសាងសង់លំនៅឋានថ្មីត្រូវបានបញ្ឈប់ បន្ទាប់ពីវិបត្តិហិរញ្ញវត្ថុឆ្នាំ២០០៨ ហើយយើងបាននិងកំពុងប្រឈម នឹងវិបត្តិកង្វះផ្ទះចាប់ពីពេលនោះមក»។
ទោះជាយ៉ាងណាក៏ដោយ ការដោះស្រាយបញ្ហាកង្វះការផ្គត់ផ្គង់បង្ហាញពីឧបសគ្គក្នុងការសាងសង់ផ្ទះ។ NDR ចង្អុលបង្ហាញទៅការកើនឡើងថ្លៃដើម នៃគម្រោងលំនៅដ្ឋាននៅតែជាកត្តារារាំង ដល់ការផ្គត់ផ្គង់លំនៅដ្ឋានសម្រាប់ឆ្នាំខាងមុខ។ ការចំណាយទាំងនេះរួមបញ្ចូលកត្តាដូចជា ការធានារ៉ាប់រងខ្ពស់ និងបន្ទុកពន្ធការកើនឡើងតម្លៃដី បទបញ្ជាបរិស្ថានតឹងរ៉ឹង និងការកើនឡើងតម្លៃពលកម្ម។
_eBBMK.jpg)
ចំនួនជនអន្តោប្រវេសន៍ដែលកាលពីអតីតកាល បានជួយសម្រាលការខ្វះខាតកម្លាំងពលកម្មក្នុងវិស័យសំណង់ លែងជាដំណោះស្រាយក្នុងបញ្ហាសាងសង់ផ្គត់ផ្គង់ផ្ទះទៀតហើយ។
វិទ្យាស្ថានវិនិយោគលើការស្រាវជ្រាវNDR បានកត់សម្គាល់ថា៖ ការកើនឡើងថ្មីៗនៃជនអន្តោប្រវេសន៍ មិនបានជះឥទ្ធិពលដល់សមតុល្យការផ្គត់ផ្គង់ និងតម្រូវការរបស់កម្មករពីអាមេរិកឡាទីនទេ»។
ខណៈពេលដែលប្រធានធនាគារកណ្តាលលោក Jerome Powell បានហៅ ជនអន្តោប្រវេសន៍ថា ជាដំណោះស្រាយតុល្យភាពទីផ្សារការងារឡើងវិញនោះ ដោយវិទ្យាស្ថានវិនិយោគលើការស្រាវជ្រាវ NDR ណែនាំថា ជនអន្តោប្រវេសន៍ទាំងនេះនៅទីបំផុត នឹងត្រូវប្រឈមបញ្ហាតម្រូវការលំនៅដ្ឋានអចិន្ត្រៃយ៍ការរឹតបន្តឹងការផ្គត់ផ្គង់ និងការរក្សាការជួលឱ្យកើនឡើង។
ទស្សនវិស័យរួមរបស់វិទ្យាស្ថានវិនិយោគលើការស្រាវជ្រាវ NDR សម្រាប់ទីផ្សារលំនៅឋានរំលេចនូវរូបភាពដ៏លំបាកសម្រាប់អ្នកទិញអនាគត។ តម្លៃផ្ទះឡើងខ្ពស់ហាក់ដូចជារឿងចាស់កើតឡើងជាថ្មី តែប្រសិនបើមានការបន្ទាបអត្រាការប្រាក់កម្ចីទិញផ្ទះមានការប្រាក់ទៀត នោះតម្លៃផ្ទះអាចនឹងកើនឡើងបន្ថែមទៀត៕
Source: Business Insider
.jpg)
.jpg)