.jpg)
នៅទូទាំងពិភពលោកHello Kitty អាចជាតួអង្គតុក្កតា ដែលគេស្គាល់ច្រើនជាងគេបំផុតក្នុងសែស្រឡាយតុក្កតាក្រុមហ៊ុន Sanrio ប៉ុន្តែនេះជាឆ្នាំទី ៥ ជាប់គ្នាហើយដែលតុក្កតាកូនឆ្កែត្រចៀកវែងពណ៌ផ្ទៃមេឃ Cinnamorollដ៏គួរឱ្យស្រឡាញ់ បានឆក់បេះដូងអ្នកគាំទ្រទូទាំងពិភពលោកឈរលើលំដាប់លេខ១។នេះបើយោងតាមលទ្ធផលចំណាត់ថ្នាក់ផ្លូវការរបស់ក្រុមហ៊ុន Sanrio ឆ្នាំ ២០២៤ ដែលបានចេញផ្សាយតាមរយៈ PR Times ។
ការបោះឆ្នោតតួអង្គតុក្កតាលើវិបសាយ ចំណាត់ថ្នាក់ប្រចាំឆ្នាំលើកទី ៣៩ បានបង្ហាញថា កូនឆ្កែ Cinnamoroll ទទួលបានសំឡេងគាំទ្រ៥,៦៧ សំឡេង ដែលនេះជាឆ្នាំទី៥នៃការសោយរាជ្យរបស់វាហើយ។
.jpg)
ក្នុងសេចក្តីថ្លែងការណ៍ជ័យជម្នះដ៏រឹងមាំរបស់Cinnamoroll តុក្កតានេះត្រូវបានក្រុមហ៊ុនប្រកាសថា៖ «ជយោ! ខ្ញុំអរគុណខ្លាំងណាស់សម្រាប់ការគាំទ្ររបស់អ្នក!អរគុណពីបេះដូងរបស់ខ្ញុំ!»។
បង្ហាញខ្លួនក្នុងឆ្នាំ២០០១ Cinnamoroll ជាកូនឆ្កែពណ៌មេឃពណ៌ខៀវដែលមានកន្ទុយរាងដូចនំស៊ីណាម៉ុនហើយកន្ទុយវាបក់កន្ទុយជាប់ ដែលស្ដែងពីតួអង្គមានបបុគ្គលិកលក្ខណៈរីករាយនិងភាពសុទិដ្ឋិនិយម ហើយចែកចាយសុភមង្គលគ្រប់ទីកន្លែងដែលវាទៅដល់។
ចំណាត់ថ្នាក់លេខ២ បន្ទាប់ពី Cinnamoroll គឺតួអង្គ Pochacco ដែលជាខ្លាឃ្មុំត្រចៀកវែង ជាមួយសម្លេងឆ្នោត ៤,៥៩ លាន និងលេខ ៣ គឺតួអង្គទន្សាយ Kuromi ជាមួយសម្លេងឆ្នោត ៤,១៣ លាន និងឆ្កែធាត់ពណ៌លឿងPompompurin ជាប់លេខ ៤។រីឯតួអង្គតុក្កតា HelloKitty ដែលជារូបតំណាងសកលរបស់ក្រុមហ៊ុនSanrio បានជាប់ចំណាត់ថ្នាក់ទី ៥ ដ៏គួរឱ្យភ្ញាក់ផ្អើល។
.jpg)
គួរឱ្យចាប់អារម្មណ៍លទ្ធផលចំណាត់ថ្នាក់បង្ហាញពីការផ្តាច់ទំនាក់ទំនងដ៏មានសក្តានុពលរវាងប្រជាប្រិយភាពក្នុងស្រុកនិងការសាទរអន្តរជាតិ។ ខណៈពេលដែល Hello Kitty នៅតែជាឈ្មោះគ្រួសារទូទាំងពិភពលោក Sanrio សង្កត់ធ្ងន់លើការផ្តោតអារម្មណ៍របស់ខ្លួនលើ«ការភ្ជាប់មនុស្ស» តាមរយៈតួអង្គរបស់ខ្លួនដោយបង្ហាញពីចំណូលចិត្តសម្រាប់តួអង្គដែលមានកម្រិតអារម្មណ៍កាន់តែស៊ីជម្រៅ។
អ្នកនាង Jill Koch, អនុប្រធានផ្នែកទីផ្សារនិងគ្រប់គ្រងការច្នៃប្រឌិតនៅ Sanrio, Inc បាននិយាយថា៖ «ចំណុចសំខាន់នៃអ្វីៗទាំងអស់របស់Sanrio គឺយើងតែងតែមានមោទនភាពយ៉ាងក្រៃលែងក្នុងការប្តេជ្ញាចិត្តផ្សព្វផ្សាយពីមិត្តភាពភាពសប្បុរស និងការរួមបញ្ចូលគ្នា»៕
.jpg)
.jpg)
.jpg)
