ចិនៈ នាង Pan Xiaoting អាយុ ២៤ឆ្នាំ ដែលជាអ្នកផលិតមាតិកាញ៉ាំអាហារដ៏ល្បី បានទទួលមរណភាព ក្នុងអំឡុងពេលផ្សាយផ្ទាល់ Mukbang Session នៅក្នុងប្រទេសចិន ដែលនេះជាឧបទ្ទវហេតុដ៏ គួរឱ្យតក់ស្លុត និងសោកនាដកម្មមួយក្នុងវិស័យ Online។
Pan Xiaoting ត្រូវបានគេស្គាល់ថា ជាអ្នកផលិតមាតិកាញ៉ាំអាហារដ៏មានប្រជាប្រិយភាព និងគួរឱ្យស្រឡាញ់ គឺជាតារាដែលកំពុងរះក្នុងបណ្តាញទំនាក់ទំនងសង្គមចិន ដោយបានទាក់ទាញ អ្នកគាំទ្ររាប់ពាន់នាក់ឱ្យមើលវីដេអូដ៏រស់រវើកពីការញ៉ាំអាហាររបស់នាង។
ព្រឹត្តិការណ៍ដ៏អកុសលនេះ បានកើតឡើងអំឡុងពេលនៃការផ្សាយផ្ទាល់ពីការញ៉ាំអាហាររយៈ ១០ម៉ោង នៅលើប៉ុស្តិ៍ផ្ទាល់ខ្លួន។ Pan Xiaoting ស្ថិតនៅចំកណ្តាលនៃវគ្គ mukbangដែលជាវគ្គត្រូវញ៉ាំ អាហារក្នុងបរិមាណច្រើន ហើយឆ្លងឆ្លើយជាមួយនឹងទស្សនិកជន។ ក្នុងអំឡុងពេលផ្សាយផ្ទាល់ អ្នកមើលបានកត់សម្គាល់ឃើញថា មានអ្វីមួយខុសប្រក្រតី ដោយ Pan Xiaoting ចាប់ផ្តើមបង្ហាញសញ្ញាពិបាកក្នុងខ្លួន ហើយព្យាយាមដកដង្ហើម និងក្តាប់ដើមទ្រូង។
ទោះបីជាមានការព្រួយបារម្ភភ្លាមៗពីអ្នកមើលរបស់នាងយ៉ាងណាក៏ដោយ ក៏ការផ្សាយបន្តផ្ទាល់បានបន្តជាច្រើននាទី មុនពេលវីដេអូត្រូវបានកាត់ផ្តាច់ភ្លាមៗ។ សេវាសង្គ្រោះបន្ទាន់ ត្រូវបានហៅទៅកាន់ទីតាំងរបស់នាង ប៉ុន្តែគួរឱ្យសោកស្តាយ វាយឺតពេលក្នុងការសង្គ្រោះជីវិតរបស់នាងទៅហើយ។ នេះបើយោងតាមរបាយការណ៍របស់ Daily Star
Pan Xiaoting ត្រូវបានប្រកាសថាស្លាប់ ហើយការធ្វើកោសល្យវិច្ឆ័យបានបង្ហាញថា ក្រពះរបស់នាងត្រូវបានគេរកឃើញដោយខូចទ្រង់ទ្រាយយ៉ាងខ្លាំង និងពោរពេញដោយអាហារដែលមិនអាចរំលាយបាន ។
ការស្លាប់ដោយចៃដន្យរបស់ Pan Xiaoting បានធ្វើឱ្យមានការភ្ញាក់ផ្អើលពេញបណ្តាញអនឡាញ ដែលបង្កឱ្យមានការសោកសៅ និងការរំលែកទុក្ខពីអ្នកគាំទ្រ អ្នកមានឥទ្ធិពល អ្នកបង្កើតមាតិកា និងតារាល្បីៗដូចគ្នាជាច្រើន។ មនុស្សជាច្រើនបានចែករំលែករូបថតរបស់នាងក្នុងបណ្តាញសង្គម ដើម្បីបង្ហាញពីភាពទុក្ខសោក និងឧទ្ទិសដល់ជីវិតដ៏វ័យក្មេងរបស់នាង។
ការស្លាប់របស់នាងក៏បានជំរុញឱ្យមានការពិភាក្សាអំពីគ្រោះថ្នាក់ ដែលអាចកើតមានមកពីការបង្កើត មាតិកា Mukbangនិងនិន្នាការផ្សេងទៀតដែលជម្រុញឱ្យមានផលប៉ះពាល់អាក្រក់ដល់រាងកាយ។
អ្នកជំនាញកំពុងអំពាវនាវឱ្យមានការយល់ដឹង និងវិធានការសុវត្ថិភាពកាន់តែច្រើន ដើម្បីការពារអ្នកបង្កើតមាតិកាប្រភេទនេះ ដោយសង្កត់ធ្ងន់លើការផលិតមាតិកាប្រកបដោយការទទួលខុសត្រូវនៅលើវិសយអនឡាញ។
ក្នុងអំឡុងពេលនៃការកាន់ទុក្ខដ៏ក្រៀមក្រំមួយនេះ គ្រួសាររបស់ Pan Xiaoting បានស្នើសុំឯកជនភាពដើម្បីគោរពដល់សាកសពផងដែរ។ ពួកគេបានសម្តែងការដឹងគុណចំពោះការគាំទ្រ និងសេចក្តីស្រឡាញ់ដែលបង្ហាញដោយអ្នកគាំទ្ររបស់នាង ហើយបានជំរុញឱ្យមនុស្សចងចាំ Pan Xiaoting ចំពោះសេចក្តីរីករាយដែលនាងបានផ្តល់អោយអ្នកទាំងអស់គ្នាតាមរយៈវីដេអូកន្លងមក ។
.jpeg)
គួរឱ្យដឹងដែរថា ការស្លាប់ដោយសារការបរិភោគអាហារច្រើនមុខ ឬហៅថា Mukbangនេះ មិនមែនទើបតែកើតលើតារា Mukbangចិន Pan Xiaoting នេះឡើយ ដោយលោក Dongz Apatan ដែលជា Vlogger «Mukbang» ដ៏ល្បីរបស់ហ្វីលីពីន ក៏បានទទួលមរណភាពផងដែរ ដោយសារជំងឺដាច់សរសៃឈាមខួរក្បាល បន្ទាប់ពីការធ្វើ Mukbangញ៉ាំអាហារដ៏ច្រើនលើសកំណត់៕
.jpg)
_6fzww.jpg)
