.jpg)
Suga ធ្លាប់សុំទោសចំពោះហ្វេនដោយចាត់ទុកអ្នកគាំទ្រថាជា «អ្នកដែលរូបលោកបានធ្វើឱ្យឈឺចាប់ដោយសារការធ្វេសប្រហែសនិងអាកប្បកិរិយាខុសរបស់ខ្លួន»។
យោងតាមរបាយការណ៍របស់ប្រព័ន្ធផ្សព្វផ្សាយបានឱ្យដឹងថា Suga មកពីក្រុមចម្រៀង K-pop BTS ត្រូវបានពិន័យជាប្រាក់ ១៥លានវ៉ុន (១១៥០០ ដុល្លាអាមេរិក) សម្រាប់ការបើកបរកង់អគ្គិសនី ខណៈពេលដែលស្ថិតក្រោមឥទ្ធិពលស្រវឹង។
.jpeg)
តារាចម្រៀង ដែលមានឈ្មោះពិតថា Min Yoon-gi ត្រូវបានចោទប្រកាន់កាលពីខែសីហាបន្ទាប់ពីប៉ូលីសបានរកឃើញថា លោកព្យាយាមក្រោកឡើង បន្ទាប់ពីធ្លាក់ពីលើកង់អគ្គិសនីនៅជិតផ្ទះរបស់លោកនៅទីក្រុងសេអ៊ូល។ក្រោយមកប៉ូលិសបានរកឃើញថា លោកស្ថិតក្នុងស្ថានភាពស្រវឹង។
ប្រព័ន្ធផ្សព្វផ្សាយក្នុងស្រុកដែលដកស្រង់សម្តីប៉ូលិសនិយាយថាកម្រិតជាតិអាល់កុលក្នុងឈាមរបស់ Suga គឺ ០.២២% លើសពីកម្រិត ០.០៨%។
តុលាការក្រុងសេអ៊ូលបានដាក់ពិន័យកាលពីថ្ងៃសុក្រសប្តាហ៍មុន។
តារារ៉េបដែលបានដកហូតប័ណ្ណបើកបរនោះ បានធ្វើការសុំទោសកាលពីខែសីហា ដោយនិយាយថាខ្លួនបានជិះកង់អាគុយក្នុងក្រុងសេអ៊ូលព្រោះ «គិតថាវាជាចម្ងាយជិត» និង"ភ្លេចថាអ្នកដំណើរមិនអាចប្រើកង់អគ្គិសនីក្រោមឥទ្ធិពលគ្រឿងស្រវឹងនោះទេ»។
.jpeg)
លោកបន្តថា៖ «ទោះបីគ្មានអ្នកណាម្នាក់រងគ្រោះនិងគ្មានទ្រព្យសម្បត្តិណាមួយរងការខូចខាតប៉ុន្តែនេះជាទំនួលខុសត្រូវរបស់ខ្ញុំទាំងស្រុងដោយគ្មានលេសអ្វីទាំងអស់»។
Suga បាននិយាយនៅក្នុងសេចក្តីថ្លែងការណ៍មួយថា៖ «ខ្ញុំសូមអភ័យទោសចំពោះអ្នកទាំងឡាយណាដែលរងការឈឺចាប់ដោយសារការធ្វេសប្រហែសនិងអាកប្បកិរិយាខុសឆ្គងរបស់ខ្ញុំហើយខ្ញុំនឹងធានាថារឿងនេះមិនកើតឡើងម្តងទៀតនាពេលអនាគត»។
Suga ប្រឈមមុខនឹងការរិះគន់នៅថ្ងៃបន្ទាប់ដោយអ្នកខ្លះសុំឱ្យលោកចាកចេញពីក្រុម BTS ។
តារា K-pop នៅក្នុងប្រទេសកូរ៉េខាងត្បូងជាទូទៅត្រូវបានគេរំពឹងថា ត្រូវតែមានស្អាតស្អំ ទោះបីជាក្នុងករណីនេះអ្នកគាំទ្ររបស់ Suga ជាច្រើនក៏បានប្រមូលផ្តុំគ្នាដើម្បីការពារតារាសំណប់របស់ខ្លួនផងដែរ។
កីឡាករវ័យ ៣១ ឆ្នាំរូបនេះបច្ចុប្បន្នកំពុងបម្រើការជាភ្នាក់ងារបម្រើសង្គមក្នុងជួរយោធាខណៈដែលលោកត្រូវបានវាយតម្លៃលក្ខណៈសម្បត្តិថាមិនសមនឹងកាតព្វកិច្ចប្រយុទ្ធជួរមុខ៕
.jpeg)
ប្រភព៖ https://www.bbc.com/news/articles/cz9p3vl8q3no
.jpg)
.jpg)
.jpg)