រដូវធ្លាក់ភ្លៀងចូលមកដល់បញ្ហាសក់ក៏ក្លាយជាក្តីកង្វល់សម្រាប់មិត្តៗនារី ជាពិសេសវាធ្វើឱ្យស្បែកក្បាលឆាប់ឡើងប្រេង រមាស់ ឬរលាកស្បែកក្បាល និងធ្វើឱ្យសក់សំពោងឬពុកផុយជាដើម។ ដើម្បីធានាថាសក់របស់អ្នកនៅមានសុខភាពល្អនិងមានភាពស្រស់ស្អាតជាប់ជានិច្ច នៅរដូវធ្លាក់ភ្លៀងនេះ សារព័ត៌មានឌីជីថល SR នឹងប្រាប់ពីគន្លឹះមួយចំនួនក្នុងការថែរក្សាសក់ដូចជា៖
១.ការពារមិនឱ្យសក់ត្រូវទឹកភ្លៀង
ដំណោះស្រាយដំបូងបំផុតក្នុងរដូវធ្លាក់ភ្លៀងគឺអ្នកទាំងអស់គ្នាត្រូវប្រុងប្រយ័ត្នមិនឱ្យសក់ត្រូវទឹកភ្លៀងដោយត្រូវការយកអាវភ្លៀង មួក ឬឆ័ត្រតាមខ្លួនជានិច្ច ហើយវាក៏ហាក់ដូចជាការបង្កើតទម្លាប់ល្អឱ្យ ខ្លួនឯងផងដែរ។
២.ជ្រើសរើសប្រភេទសាប៊ូដែលស័ក្កិសមសម្រាប់ស្បែកក្បាល
ប្រើសាប៊ូកក់សក់ស្រាលៗដែលមានគ្រឿងផ្សំពីធម្មជាតិ និងមានសមាសភាពប្រឆាំងមេរោគ ដើម្បីរក្សាស្បែកក្បាលរបស់អ្នកឱ្យស្អាត។អ្នកត្រូវជ្រើសរើសសាប៊ូដែលមានសារធាតុប្រឆាំងមេរោគ (Antifungal Shampoo) ដែលមានសមត្ថភាពបំបាត់ជាតិខ្លាញ់គឺល្អបំផុតសម្រាប់រដូវភ្លៀង។
៣. ប្រើប្រាស់ក្រែមបន្ទន់សក់
ក្រែមបន្ទន់សក់ជួយជំរុញសក់ឱ្យមានសុខភាពល្អ និងជួយទប់ស្កាត់សក់ខូចនៅរដូវភ្លៀង។ប្រើប្រាស់ក្រែមបន្ទន់សក់ ដែលមានគ្រឿងផ្សំពីធម្មជាតិដូចជាទឹកឃ្មុំអាល់លូវើរ៉ា និងទឹកដោះគោ អាចជួយបន្ថែមសំណើម និងបំបាត់ជាតិខ្លាញ់នៅលើសក់។
.jpeg)
៤. សិតសក់របស់អ្នករាល់ថ្ងៃ
ការសិតសក់ជាប្រចាំអាចជួយបំបាត់ជាតិខ្លាញ់និងធូលីដីលើស្បែកក្បាលបានយ៉ាងល្អ ។ការប្រើប្រាស់ក្រាស់សិតសក់ដែលមានក្រឡាធំៗ វាដូចជាបានធ្វើការម៉ាស្សាថ្មមៗទៅលើស្បែកក្បាល ដែលជួយជំរុញស្បែកក្បាលរបស់អ្នកឱ្យមានលំហូរឈាមនិងការលូតលាស់សក់បានល្អ។
៥.កក់សក់ជាប្រចាំ
ការកក់សក់ជាប្រចាំជាសកម្មភាពសំខាន់មួយ ដើម្បីរក្សាសក់ឱ្យមានសុខភាពល្អនៅរដូវភ្លៀងការកក់សក់ទៀងទាត់ជួយបំបាត់ជាតិខ្លាញ់ និងជាតិពុលព្រមទាំងជួយបញ្ចូលវីតាមីន ទៅចិញ្ចឹម សរសៃសក់ផងដែរ។
.jpeg)
៦.បរិភោគអាហាររូបត្ថម្ភល្អៗ
អាហាររូបត្ថម្ភល្អគឺជាគន្លឹះសំខាន់មួយសម្រាប់ថែរក្សាសុខភាពស្បែកក្បាល និងសរសៃសក់។នៅរដូវធ្លាក់ភ្លៀង អ្នកគួរតែព្យាយាមបរិភោគរបបអាហារដែលមានរូបត្ថម្ភល្អៗដូចជាបន្លែ ផ្លែឈើ និងគ្រាប់ធញ្ញជាតិដើម្បីបន្ថែមសារធាតុរ៉ែ និងវីតាមីនដែលជួយឱ្យសក់កាន់តែលូតលាស់ល្អ។
.jpeg)
៧.ថែរក្សាភាពស្អាតនៃសម្ភារៈដែលប្រើលើសក់
គ្រឿងសម្ភារៈសក់ដូចជាក្រាស់ កន្សែងជូតសក់គួរត្រូវបានរក្សាឱ្យមានភាពស្អាតជានិច្ច និងមានអនាម័យ ដើម្បីកាត់បន្ថយការរាលដាលនៃមេរោគ និងជាតិពុលទៅក្នុងសក់។
.jpeg)
ទាំងអស់នេះគឺជាគន្លឹះមួយចំនួនក្នុងការថែរក្សាសក់នារដូវធ្លាក់ភ្លៀងប្រសិនអ្នកទាំងអស់គ្នា ប្រកាន់ខ្ជាប់នូវវិធីសាស្ត្រដូចដែល បានរៀបរាប់ខាងលើសក់របស់អ្នក នឹងមានសភាពស្រស់ស្អាតគួរជាទីគាប់ចិត្តជាក់ជាពុំខាន៕
.jpg)
