សេវាអ៊ីនធើណេត Starlink ពីលម្ហរបស់ SpaceX ឥឡូវនេះកំពុងពង្រីកវិសាលភាពរបស់ខ្លួនទៅកាន់អ្នកដែលចូលចិត្តធ្វើដំណើរផ្សងព្រេងឬតំបន់ដាច់ស្រយាល់។ ឧបករណ៍នេះអាចប្រើបាននៅលើទូក យន្តហោះ ភូមិដាច់ស្រយាល់និងផ្ទះនៅតាមជនបទប្រមាណជាង ៧៥ប្រទេស។ Starlink ណែនាំឧបករណ៍អីនធើណេតដែលមានជម្រើសប្រភពថាមពលចរន្តជាប់(DC) ខ្នាតតូចថ្មីមួយដែលមានឈ្មោះថាStarlinkMini។
Starlink Mini មានទំហំប្រហែលនៃកុំព្យូទ័រយួរដៃមួយ រួមបញ្ចូលរ៉ោតទ័រ Wi-Fi ដោយផ្ទាល់នៅខាងក្នុងថាសរបស់វា។ទោះបីជាមានទំហំតូចជាង និងការប្រើប្រាស់ថាមពលទាបជាងក្តី បើប្រៀបធៀបទៅនឹង Starlink ជំនាន់មុនដែលមានទំហំធំក៏វានៅតែអាចផ្តល់ល្បឿនរហូតដល់ 100Mbps។
លោក Elon Musk នាយកប្រតិបត្តិក្រុមហ៊ុន SpaceX បាននិយាយ នៅលើបណ្ដាញសង្គមXដោយសង្កត់ធ្ងន់លើរយៈពេលដំឡើងStarlinkMini ដ៏យ៉ាងលឿនរបស់ខ្លួនថា៖«ផលិតផលនេះនឹងផ្លាស់ប្តូរពិភពលោក»។
ការប្រើប្រាស់ថាមពលរបស់ Mini kit មានកម្រិតទាបគួរឱ្យកត់សម្គាល់ជាមធ្យមត្រឹមតែ 20-40W បើប្រៀបធៀបទៅនឹង 33-62W ដែលបានវាស់វែងជាមួយនឹងថាសដែលមានទំហំស្តង់ដារ និងរ៉ោតទ័រ Wi-Fi ដាច់ដោយឡែកពី គ្នាកាលពី២ឆ្នាំមុន។ប្រសិទ្ធភាពនេះអនុញ្ញាតឱ្យថាសតូចដំណើរការរយៈពេល ២ទៅ ៣ម៉ោង នៅលើឧបករណ៍ power bank ដែលមានកម្លាំងថ្ម27,650mAh ឬរយៈពេលជាង ១ ម៉ោងលើថ្មចល័តតូចជាង 10,000mAh (40Wh)។ Mini kit ទាមទារប្រភពថាមពលដែលប្រើរន្ធសាកUSB-CPD ដែលមានកម្រិតអប្បបរមា100W(20V/5A)។
ថាស Starlink mini មានទំហំ ១១,៧៥ x ១០,២ x ១,៤៥ អ៊ីញ (259 x 259 x 38.5mm) និងមានទម្ងន់ត្រឹមតែ 2.43 ផោន (១,១ គីឡូក្រាម) ឬ3.37 ផោន (១,៥៣ គីឡូក្រាម) ដែលបូករួមទាំងខ្សែចរន្តថាមពលDCប្រវែង49.2 ហ្វីត (១៥ម៉ែត្រ)។ វាមានកម្រិត IP67 ដែលធានាបាននូវការការពារពីធូលី និងភ្លៀងព្រមទាំងការជ្រមុជទឹករយៈពេលខ្លី។
នៅសហរដ្ឋអាមេរិក Starlink Mini ត្រូវបានផ្តល់ជូនជាកម្មវិធីបន្ថែមលើគម្រោងលំនៅដ្ឋាន។ ឈុត Mini មានតម្លៃ ៥៩៩ ដុល្លារដែលថ្លៃជាងថាសស្តង់ដារ ១០០ដុល្លារ។
ទោះបីជាផលិតផលនេះវាថ្មីសម្រាប់ទីផ្សារសហរដ្ឋអាមេរិកក៏ដោយ ក៏គេហទំព័រគាំទ្រStarlink បង្ហាញថា Starlink Mini មានរួចហើយនៅក្នុងប្រទេសកូឡុំប៊ី អែលសាល់វ៉ាឌ័រ ហ្គាតេម៉ាឡានិងប៉ាណាម៉ា។ នៅក្នុងប្រទេសទាំងនេះ អ្នកប្រើប្រាស់អាចទិញ Starlink Mini ជាមួយនឹងសេវាកម្មខ្នាតតូចឬទូរស័ព្ទចល័ត។ ក្រុមហ៊ុន SpaceX គ្រោងនឹងពង្រីកសេវាកម្មនេះទៅកាន់ទីផ្សារបន្ថែមទៀតតាមនាពេលខាងមុខ៕
.jpg)
.jpeg)
.jpg)
