ដើមឈើ គឺជាជីវិតរបស់មនុស្សដើមឈើពិតជាមានសារៈសំខាន់ណាស់ក្នុងបរិស្ថាន ធម្មជាតិ និងជាអុកស៊ីហ្សែនសម្រាប់មនុស្សស្រូបយកគ្រប់ៗរូប។ ការដាំដើមឈើក្នុងទីក្រុង គឺជាការលើកកម្ពស់ សោភណភាពទីក្រុងផង និងជាការរួមចំណែកកាត់បន្ថយការបំពុលបរិស្ថានដែលកើតចេញពីយាន ជំនិះប្រចាំថ្ងៃផងដែរ។
ការដាំដើមឈើក្នុងទីក្រុងមានសារៈប្រយោជន៍ជាច្រើនដូចជា៖
- ដាំដើមឈើនៅក្នុងទីក្រុង ផ្តល់ជាម្លប់ត្រជាក់ ជួយកាត់បន្ថយសីតុណ្ហភាពក្តៅនិងជួយឱ្យ អាកាសធាតុចុះត្រជាក់ ចន្លោះពី២ ទៅ៨ អង្សារសេ។
- ដាំដើមឈើនៅជុំវិញអគារ អាចកាត់បន្ថយការប្រើប្រាស់ម៉ាស៊ីនត្រជាក់បានប្រមាណ៣០%។
- ដើមឈើធំៗក្នុងទីក្រុងគឺជាឧបការណ៍ចម្រោះសារធាតុពុលល្អបំផុត ដែលធ្វើឱ្យទីក្រុង មានខ្យល់អាកាសល្អប្រសើរបន្ថយផ្សែងអ័ព្ទ និងរលកកម្តៅ។
- ដើមឈើមួយដើម អាចស្រូបយក CO2 បានចំនួន១៥០គក ក្នុង១ឆ្នាំ ចូលរួមកាត់បន្ថយ ឥទ្ធិពលនៃការប្រែប្រួលអាកាសធាតុសកល។
- ដើមឈើនៅក្នុងទីក្រុង អាចជួយកាត់បន្ថយរោគសញ្ញានៃជំងឺសម្ពាធឈាមភាពតានតឹង ធ្វើអោយប្រសើរឡើងនូវសុខភាព ផ្លូវកាយ អារម្មណ៍ និងផ្លូវចិត្ត។
- ធ្វើឱ្យសុខភាពសាធារណៈ មានភាពប្រសើរឡើង។
- ដើមឈើផ្តល់នូវជម្រក និងអាហារ ដល់រុក្ខជាតិនិងសត្វ ដែលធ្វើឱ្យជីវចម្រុះក្នុងទីក្រុង មានការកើនឡើង ។
- ទប់ស្កាត់ខ្យល់ ព្យុះ និងកាត់បន្ថយការហូរច្រោះ
- បង្កើតបរិយាកាសស្រស់ស្រាយសម្រាប់អ្នកបើកបរអ្នកដំណើរ និងអ្នកថ្មើរជើង៕
.jpg)
