ជីវិត និង សង្គម

បុរសឥណ្ឌូនេស៊ីម្នាក់ សម្លាប់អ្នកជិតខាង ដែលតែងសួរថា ហេតុអ្វីបានជាគាត់មិនទាន់រៀបការ?

October 22, 2024
វង់ អូន
Heading
Option 1

បរទេស​៖ កាសែត Straits Times បាន​រាយការណ៍​ថាបុរស​រស់នៅ​ក្នុងប្រទេស​ឥណ្ឌូនេស៊ី​ម្នាក់​ឈ្មោះ Parlindungan Siregar អាយុ 45 ឆ្នាំបានសម្លាប់​អ្នកជិតខាង​របស់គាត់​ឈ្មោះ Asgim Irianto អាយុ60 ឆ្នាំ ដែលជា​មន្ត្រីរាជការ​ចូល​និវត្តន៍​ជាមួយនឹង​ដុំ​ឈើដោយសារ​ការ​សួរ​ដេញដោល​ញឹកញាប់​ពេក​ថា ហេតុអ្វី​បានជា​គាត់​មិនទាន់​រៀបការ​។ ដែល​ហេតុការណ៍​នេះ​បាន​កើតឡើង​នៅ Tapanuli Selatan ភាគ​ខាងជើង​កោះ​ស៊ូ​ម៉ា​ត្រាវេលា​ម៉ោង​ប្រហែល​ម៉ោង 8 យប់​ថ្ងៃទី 29 ខែកក្កដា​។

​ជំនួយការ​ស្នងការ​ប៉ូលីស Maria Marpaung បាន​និយាយ​នៅ​ថ្ងៃទី 31 ខែកក្កដា​ថា ជនរងគ្រោះ លោក Irianto បាន​ព្យាយាម​រត់គេច​ចេញពី​ឃាតក Siregar ដែល​បាន​វាយប្រហារ​គាត់ ប៉ុន្តែ​គាត់​បាន​ដួល​បន្ទាប់ពី ត្រូវបាន​វាយ​ត្រូវ​ក្បាល​។ Siregar ក៏បាន​បន្ត​វាយ Irianto ហើយក៍​មាន​អ្នកជិតខាង​ជួយ​អន្តរាគមន៍​ភ្លាមៗ​ផងដែរ​។អ្នកជិតខាង​បាន​នាំ​លោក Irianto ទៅកាន់​មណ្ឌល​សុខភាព​ក្នុង​តំបន់ប៉ុន្តែ​គាត់​បាន​ស្លាប់​នៅតាម​ផ្លូវ​។​

​អ្នកស្រី Marpaungបាន​និយាយថា Siregar ត្រូវបាន​ចាប់ខ្លួន​ភ្លាមៗ ហើយ​បាន​សារភាពថា រូបគេ​បានរៀបចំ​ផែនការ​សម្លាប់​អ្នកជិតខាង​របស់គាត់​ពិតមែន​។ នាង​បាន​បន្ថែមថា​៖ « Siregar បាន​ប្ដេជ្ញាចិត្ត​ថា​នឹង​វាយ​លោក Asgim Irianto ឲ្យ​ស្លាប់ដោយសារតែ​ការ​តិះដៀល​ញឹកញាប់​អំពី​ស្ថានភាព​នៅ​លីវ​របស់គាត់​»​។​

​ប្រព័ន្ធ​ផ្សព្វផ្សាយ​ក្នុងស្រុក​បាន​រាយការណ៍​ថា Parlindungan Siregar ត្រូវបាន​ចាប់ខ្លួន​ក្នុង​រយៈពេល​មួយ​ម៉ោង​ក្រោយពី​ការវាយប្រហារ​។ ក្នុងអំឡុងពេល​សាកសួរ Siregar បាន​ប្រាប់​ប៉ូលីស​ថាគាត់​ប្តេជ្ញាចិត្ត​វាយ Asgim Irianto ឱ្យស្លាប់ព្រោះ​គាត់​ឈឺចាប់​ដោយសារ​បុរស​វ័យ 60 ឆ្នាំ​រូបនេះតែងតែ​សួរដេញដោល​ញឹកញាប់ អំពី​ការដែល​គាត់​មិនទាន់​រៀបការ​។​

ប្រព័ន្ធ​ផ្សព្វផ្សាយ​ក្នុងស្រុក​បាន​រាយការណ៍​បន្តទៀតថាមុនពេល​មានការ​វាយប្រហារ អ្នក​ទាំងពីរ​ក៏មាន​ការឈ្លោះប្រកែក​គ្នា​ខ្លាំងៗ​ ផងដែរតែដោយសារ​តែមាន​ការ​សម្របសម្រួល​ពី​អ្នកជិតខាងអ្នក​ទាំងពីរ​ក៍​ចូល​ផ្ទះ​រៀងៗ​ខ្លួន​៕

អត្ថបទពេញនិយម

ក្រុមយុវជន សប្បាយរីករាយហែទីងមោង ក្នុងពិធីហែទៀនវស្សា នៅស្រុកស្អាង

ចង្កឹះធាងទ្រាំងស្នាដៃសហគមន៍នៅស្ទឹងត្រែង មាំធន់ជួយជីវភាពប្រជាជនចាស់ៗ

ញ៉ាំ​ហ្វេ​ស​តាវិល​មក​ជា​ថ្មី បំផុស​គំនិត​ដោយ​ម្ហូប​សកល និង​បរិយាកាស​​​​​​​​​ពិកនិក​​សប្បាយៗនៅ​ពីរ​ទីតាំង​ផ្សេងគ្នា​​‍

វិស្វករសំណង់បែកគំនិតចិញ្ចឹមក្តាមថ្មក្នុងប្រអប់រកចំណូលបានខ្ទង់ម៉ឺនដុល្លារ

Nvidia ប្រគល់តំណែងជើងឯកជាក្រុមហ៊ុនដែលមានតម្លៃបំផុតរបស់ពិភពលោកទៅ Microsoft